Search
  • albertkirkjunior
    • Jun 29
    • 1 min read

Abortion

Albert Kirk Jr


Laddies, thare isnae a wicht in the warld

Cuid force ye tae poke a dirk in yer ee,

Or thole wi nocht but a whisper a dirl

That meant for ye no tae flyte whit ye dree;

Thanks tae wur boabies an baws we can say

Wur boady's wur ain tae dae as we please,

Naebodie ettlin tae preeson us wi

A wale that we mak, weel-thochtit an free;

As for the quines, it's aw tapsalteerie,

Pricks lik wursels wantin ilk tae obey,

Lassies forfochten, donsie an peerie,

Pouerless unner a weird tae be fey.

Dae us a favour, gin thon's whit ye threap:

Pit aw yer bastartin gas at a peep.



2 views0 comments

Recent Posts

See All

Albert Kirk Jr braw pow cramasie (darg o the deil's bird) snell shanks fankled birkie neb wheesht gleg een mawkit short syne a gorblin noo for aye wabbit: this Awmichtie ploy is the yin they'd gar ye

Albert Kirk Jr A leader wi a japer's shtick, Electorates that vote for pricks Tae mak a pairt ye cannae stick: It's aw gangin tae shite. Thir fowk that hiv the owersicht O aw wur weirds but yaise thir

Albert Kirk Jr Ye cannae bi trustit Tae dae as yer telt Or say please an thanks For the haun ye get dealt, Sae lea' it tae Tories Tae shaw ye the licht Or pit ye in jile Til ye awn that they'r richt.