Search
  • albertkirkjunior
    • Jun 4
    • 1 min read

Anent Knichts an Dames

Albert Kirk Jr


Ye say yer blythe tae be a Sir?

Tae turn yer back on whae ye wur?

Tae think yer marras nocht but curs

Boun for a rantin?

Tae clap the hem o ermine furs

Is aw yer wantin?


An quine, ye cry yersel a Dame

Wioot a bittie unce o shame?

A'm juist the same auld lass, ye claim,

While dae'n a beck?

An forderin yer flashy name

Tae boost yer cheques?


It micht bi better hid ye thocht

Aboot the fowk that hivnae ocht,

An aw the messages we bocht

Tae get them fed,

An hou wur monarch niver socht

Tae keep them cled:


Ye didnae but, sin that's yer richt

Tae steek yer een tae gruesome sichts

(An sit in lithe wi Empire's micht

Tae kill an steal):

Bi fain wi thon an sleep at nicht?

Sir suits ye weel.


0 views0 comments

Recent Posts

See All

Albert Kirk Jr braw pow cramasie (darg o the deil's bird) snell shanks fankled birkie neb wheesht gleg een mawkit short syne a gorblin noo for aye wabbit: this Awmichtie ploy is the yin they'd gar ye

Albert Kirk Jr Laddies, thare isnae a wicht in the warld Cuid force ye tae poke a dirk in yer ee, Or thole wi nocht but a whisper a dirl That meant for ye no tae flyte whit ye dree; Thanks tae wur boa

Albert Kirk Jr A leader wi a japer's shtick, Electorates that vote for pricks Tae mak a pairt ye cannae stick: It's aw gangin tae shite. Thir fowk that hiv the owersicht O aw wur weirds but yaise thir