- albertkirkjunior
Bahoochie
Updated: May 23
Albert Kirk Jr
A'm fasht wi ma bahoochie;
A'm urnae feelin weel;
A'm siccart tae the cludgie
Wi an erse that's lik the Deil;
A et a dizzen aiples
A fund intil the sheuch
An noo ma roustie watter
Is makkin sic a steuch;
A'll gang tae speir the doctor
Tae find oot whit's adae,
(An aiblins get ma prostate seen
Tae brichten up ma day);
Afore a stert ma traivels but
A'll hiv tae stap the spate,
Sae ilka jaggie aiple stump
Gangs up ma raggit sate.