Search
  • albertkirkjunior
    • May 9
    • 1 min read

Bastartin Tods

Albert Kirk Jr


The tods are eatin bairns agane.

Thon's hou it soonds tae me:

The bastarts skelloch ilka nicht

As lood as lood can be.


A cannae get masel tae sleep

Wi aw thir cantrips sair;

A dinnae think A've got the docht

Tae tak it ony mair.


A'm gonnae get the Cooncil oot

Tae fleg them fae thir hame;

An syne A'll pack the den wi muck

Tae feenish aff thir schame.


But tods ur sleekit enemies

An willnae quit for lang:

They'll ainlie howk anither hole

An back tae dool A gang!

0 views0 comments

Recent Posts

See All

Albert Kirk Jr pishin doon, pishin doon, it's aye fuckin pishin doon; fae first Julie tae en o June, it's aye fuckin pishin doon; watter's swallin heich abune, it's aye fuckin pishin doon; an noo the

Albert Kirk Jr Gin Twitter's fou o heid-bangers hittin oot wi shite, threapin that this leid o oors isnae wirth a mite, dinnae get aw etterie, dinnae be a martyr: aw ye hiv tae dae is type RAM IT UP Y

Albert Kirk Jr Naething tae scrieve aboot, Naething at aw; A think A'll juist pit Ma pincil awa An tak a wee meenit Tae wait for a thocht An gin A get naething A'll scrieve aboot nocht.