- albertkirkjunior
Better Thigether
Albert Kirk Jr
he waukens ilka mornin
(sunlicht seithin the pearls)
gaes doon the stair
(ilka mornin)
unsteeks the fore-door
(ilka mornin)
an deeks
(ilka mornin)
a reekin bulldug keech
glisterin on the doorstane
(ilka fuckin mornin)
he aye maks siccar
tae thank the innerly cur
for its thochtfu mindin
an undevalin couthiness
an he wytes hissel
for the canine steuch
that birls his thairm flype
ilka braw sunny day
**
some wid hiv Scotland
low
gin Britain tholed fae cauld