• albertkirkjunior


Albert Kirk Jr

Auld freend, A rede as marras shuirly maun,

It maks me sair tae see yer oorie sichts,

Sae reuch in pairts wi hap that's no sae bricht

As thon fae whan lang syne ye rang the laun;

The wirth o ilka deal ye unnerstaun,

Ye'd chairge the day a grand tae turn tae nicht,

The sunsheen disnae lunt yer roukie licht

An scorries cleek the scran fae oot ma haun.

Dubai ye urnae, dame, but dinnae fash,

Sin A'm nae laird masel tae think ye laich,

An willnae thole a wird that pits ye doon;

Sae sling a gallus deifie tae the snash

An trauchle ilka bane tae mak them spraich,

Ma jonick, thrawn an pawkie Scottish toon.

2 views0 comments

Recent Posts

See All

Albert Kirk Jr pishin doon, pishin doon, it's aye fuckin pishin doon; fae first Julie tae en o June, it's aye fuckin pishin doon; watter's swallin heich abune, it's aye fuckin pishin doon; an noo the

Albert Kirk Jr Gin Twitter's fou o heid-bangers hittin oot wi shite, threapin that this leid o oors isnae wirth a mite, dinnae get aw etterie, dinnae be a martyr: aw ye hiv tae dae is type RAM IT UP Y

Albert Kirk Jr Naething tae scrieve aboot, Naething at aw; A think A'll juist pit Ma pincil awa An tak a wee meenit Tae wait for a thocht An gin A get naething A'll scrieve aboot nocht.