Search
  • albertkirkjunior
    • Apr 21
    • 1 min read

Hingin Aboot

Albert Kirk Jr


A'm urnae here tae tan yer hoose,

A'm ainlie hingin aboot;

A ken yer street is snod an douce,

A'm ainlie hingin aboot;

Nae need tae steek yer windaes shut,

A'm ainlie hingin aboot;

It wisnae me that burnt yer hut,

A'm ainlie hingin aboot;

A didnae malagruize yer dug,

A'm ainlie hingin aboot;

Some ither bodie sneckt its lugs,

A'm ainlie hingin aboot;

Yer pal got murthert yestereen?

A'm ainlie hingin aboot;

It wisnae me the polis seen,

A'm ainlie hingin aboot;

Yer sauf eneuch tae gang tae sleep,

A'm ainlie hingin aboot;

E'en tho yer door's ajee a peep,

A'm ainlie hingin aboot;

Ye heard a jeegin on the stair?

A'm ainlie hingin aboot;

Thon fitsteps on yer bedroom flair?

A'm ainlie hingin aboot;

Ma fingers urnae in yer mooth,

A'm ainlie hingin aboot;

It's someb'dy else, tae tell the truth,

A'm ainlie hingin aboot;

A deek him in the seein-gless -

He isnae hingin aboot!

An leuks lik me, A maun confess,

A dout, A dout, A dout.

0 views0 comments

Recent Posts

See All

Albert Kirk Jr pishin doon, pishin doon, it's aye fuckin pishin doon; fae first Julie tae en o June, it's aye fuckin pishin doon; watter's swallin heich abune, it's aye fuckin pishin doon; an noo the

Albert Kirk Jr Gin Twitter's fou o heid-bangers hittin oot wi shite, threapin that this leid o oors isnae wirth a mite, dinnae get aw etterie, dinnae be a martyr: aw ye hiv tae dae is type RAM IT UP Y

Albert Kirk Jr Naething tae scrieve aboot, Naething at aw; A think A'll juist pit Ma pincil awa An tak a wee meenit Tae wait for a thocht An gin A get naething A'll scrieve aboot nocht.