• albertkirkjunior

Independence 2023

Albert Kirk Jr

Kenspeckle intit, ma gesserent freends?

Anither wee vote tae wale whit's aheid,

Tae scrieve a bauld merk ablo whit his been

An tak a new gate tae freedom insteid;

Historie says ye wur lowsit afore

An fendit gey weel, wioot monie douts

(Aye, thare wur pratticks we shudnae ignore -

Best tae be jonick an talk it aw oot);

Noo is the time but tae hause a guid weird,

Jinin wi kintras the warld ower wide,

Lettin them ken yer a siccar auld peer

Gin ainlie ye'v got the hert tae decide.

Here is yer moment; the quaisten is speirt -

Gang for it England an dinnae be feart!

0 views0 comments

Recent Posts

See All

Albert Kirk Jr braw pow cramasie (darg o the deil's bird) snell shanks fankled birkie neb wheesht gleg een mawkit short syne a gorblin noo for aye wabbit: this Awmichtie ploy is the yin they'd gar ye

Albert Kirk Jr Laddies, thare isnae a wicht in the warld Cuid force ye tae poke a dirk in yer ee, Or thole wi nocht but a whisper a dirl That meant for ye no tae flyte whit ye dree; Thanks tae wur boa

Albert Kirk Jr A leader wi a japer's shtick, Electorates that vote for pricks Tae mak a pairt ye cannae stick: It's aw gangin tae shite. Thir fowk that hiv the owersicht O aw wur weirds but yaise thir