Search
  • albertkirkjunior
    • Apr 30
    • 1 min read

Scran

Albert Kirk Jr


Locusts, wirms an girselowpers

endure in plastic kists,

toatie holes in ilka lid

tae keep the beasties quick:


LIVE FOOD: £4.29


"Ye need a haun?" the wumman says,

as blythe as onie bairn.

"Naw," A says, fell seekent, wantin

suet baws an dug meat.


Hoppers birk an sprauchle

in thir peerie gaupit jiles,

ticht in siccar daith them aw,

leevin juist tae feed,

unkennin but, an whippert

gin a fit a coupon rauks.


Up the road ma roll an slice

gars no a thocht o kye,

tho iv'ry keestless moothfae

is a boolder in ma gowl,

an booldersome they'll stey

whan drappin oot ma dowp the morn.

2 views0 comments

Recent Posts

See All

Albert Kirk Jr braw pow cramasie (darg o the deil's bird) snell shanks fankled birkie neb wheesht gleg een mawkit short syne a gorblin noo for aye wabbit: this Awmichtie ploy is the yin they'd gar ye

Albert Kirk Jr Laddies, thare isnae a wicht in the warld Cuid force ye tae poke a dirk in yer ee, Or thole wi nocht but a whisper a dirl That meant for ye no tae flyte whit ye dree; Thanks tae wur boa

Albert Kirk Jr A leader wi a japer's shtick, Electorates that vote for pricks Tae mak a pairt ye cannae stick: It's aw gangin tae shite. Thir fowk that hiv the owersicht O aw wur weirds but yaise thir