Search
  • albertkirkjunior

Smeekit

(wi a toaty wee nod tae Hamnavoe Market)

Albert Kirk Jr 


Henderson's een wur lik terrier's baws:

aye tans the whisky lik watter him.


Archibald cam wi his last pair o tens:

blew ilka penny on puggies an fags.


McIntyre's siller wis hidlins an feart:

erse as ticht as a drum that yin.


Cunningham boaked on the boozer flair:

bouncers oxtert him ontae the street.


Boag gied his patter tae dizzens o quines:

chips an hame for the Boagster.


Morrison boostit an fell aff a bus:

buggert a shank an a shackle-bane.


Watson wis plunged bi a wank wi a chib:

lad his a mooth lik a ruction magnet.


Murray the gomerel shat hissel sairly:

flytit wi farts an lost.


Me? A kept masel tae masel:

Aw that A want is for fowk tae hiv fun.

0 views0 comments

Recent Posts

See All

Albert Kirk Jr braw pow cramasie (darg o the deil's bird) snell shanks fankled birkie neb wheesht gleg een mawkit short syne a gorblin noo for aye wabbit: this Awmichtie ploy is the yin they'd gar ye

Albert Kirk Jr Laddies, thare isnae a wicht in the warld Cuid force ye tae poke a dirk in yer ee, Or thole wi nocht but a whisper a dirl That meant for ye no tae flyte whit ye dree; Thanks tae wur boa

Albert Kirk Jr A leader wi a japer's shtick, Electorates that vote for pricks Tae mak a pairt ye cannae stick: It's aw gangin tae shite. Thir fowk that hiv the owersicht O aw wur weirds but yaise thir