• albertkirkjunior


Albert Kirk Jr

Ma snib is fou o snotters

That willnae dreeble oot;

They dinnae dreep a thochtie

Gin A dicht them wi a cloot.

A howk them wi ma fingers;

A scart them wi ma taes;

A rummle roon fell foonert

Ilka meenit o the day.

A'm feart A'll loass a pinkie

Dellin deep ahint an ee;

A'm feart A'll powk ma harns oot -

O, whit a wey tae dee!

Ma snib is stowed wi snotters

That willnae quit ma heid;

A think A'll lea' ma neb alane

An pick ma bum insteid.

0 views0 comments

Recent Posts

See All

Albert Kirk Jr pishin doon, pishin doon, it's aye fuckin pishin doon; fae first Julie tae en o June, it's aye fuckin pishin doon; watter's swallin heich abune, it's aye fuckin pishin doon; an noo the

Albert Kirk Jr Gin Twitter's fou o heid-bangers hittin oot wi shite, threapin that this leid o oors isnae wirth a mite, dinnae get aw etterie, dinnae be a martyr: aw ye hiv tae dae is type RAM IT UP Y

Albert Kirk Jr Naething tae scrieve aboot, Naething at aw; A think A'll juist pit Ma pincil awa An tak a wee meenit Tae wait for a thocht An gin A get naething A'll scrieve aboot nocht.