- albertkirkjunior
Snotters
Albert Kirk Jr
Ma snib is fou o snotters
That willnae dreeble oot;
They dinnae dreep a thochtie
Gin A dicht them wi a cloot.
A howk them wi ma fingers;
A scart them wi ma taes;
A rummle roon fell foonert
Ilka meenit o the day.
A'm feart A'll loass a pinkie
Dellin deep ahint an ee;
A'm feart A'll powk ma harns oot -
O, whit a wey tae dee!
Ma snib is stowed wi snotters
That willnae quit ma heid;
A think A'll lea' ma neb alane
An pick ma bum insteid.