• albertkirkjunior

The Gift Tae Gie

Albert Kirk Jr

a shilpit carle in a café

chowes his tea alane

an sits in a couthie dwam

dautin a widden cuddy

bocht A jalouse for a bairn

the ferlie o his hert

he claps the toy an glents

peppin it lik a whalp

seein aheid hou blithe wi it

the wean he luves'll be

gledsome wi the mindin

an the yin that brocht it fain

A weesh A hid the gift tae gie

yer chiel ma sicht the noo

o ilka skinkle in yer een

that's siccar meant for thaim

an no some ootrel lik masel

whae disnae crave yer tent

but syne belike in twinty year

(weel efter yer awa)

the tot'll find yer bonnie glyde

ablo thir adult scaff

an granda's lithe an lestie smile

will kythe itsel an bide

1 view0 comments

Recent Posts

See All

Albert Kirk Jr braw pow cramasie (darg o the deil's bird) snell shanks fankled birkie neb wheesht gleg een mawkit short syne a gorblin noo for aye wabbit: this Awmichtie ploy is the yin they'd gar ye

Albert Kirk Jr Laddies, thare isnae a wicht in the warld Cuid force ye tae poke a dirk in yer ee, Or thole wi nocht but a whisper a dirl That meant for ye no tae flyte whit ye dree; Thanks tae wur boa

Albert Kirk Jr A leader wi a japer's shtick, Electorates that vote for pricks Tae mak a pairt ye cannae stick: It's aw gangin tae shite. Thir fowk that hiv the owersicht O aw wur weirds but yaise thir