Search
  • albertkirkjunior
    • Jun 29
    • 1 min read

Union Jack

Albert Kirk Jr


Alister Jack,

Union Jack,

Whit ye gonnae dae

Whan we tak it aw back?

Hide in a midden

Doon in London toon,

Sair black-affrontit

Sin yer tabard's toom?

Coontin aw the siller

That Britannia gied,

No carin tuppence

For the fowk that's dee'd?

Luikin in the mirror

Wi yer stane-cauld een,

Weeshin ye wur sookin

Fae the erse o the Queen?


Here's whit ye'll dae, Jack,

Here's whit ye'll dae

Ilka meenit eftir

Independence day:

Stey whaur ye ur, Jack,

Stey whaur yer tholed,

Doon amang the lairdies

Wantin tungs for thir holes;

Scotland isnae needin fowk

Whae think it's shite

An dinnae hae a thocht

That isnae steepit in spite;

Sae dae whit ye dae, Jack,

Tae get tae sleep at nicht

An let us batter on

Makkin a'thing richt.




1 view0 comments

Recent Posts

See All

Albert Kirk Jr braw pow cramasie (darg o the deil's bird) snell shanks fankled birkie neb wheesht gleg een mawkit short syne a gorblin noo for aye wabbit: this Awmichtie ploy is the yin they'd gar ye

Albert Kirk Jr Laddies, thare isnae a wicht in the warld Cuid force ye tae poke a dirk in yer ee, Or thole wi nocht but a whisper a dirl That meant for ye no tae flyte whit ye dree; Thanks tae wur boa

Albert Kirk Jr A leader wi a japer's shtick, Electorates that vote for pricks Tae mak a pairt ye cannae stick: It's aw gangin tae shite. Thir fowk that hiv the owersicht O aw wur weirds but yaise thir