Search
  • albertkirkjunior
    • Apr 26
    • 1 min read

Whae Am A?

Albert Kirk Jr


A bide in yer mooth, but hail fae yer hert,

An traivel the kintra tae ilka wee pairt;

A ken aboot yin, tho no aboot yang,

An dinnae belong, insteid A belang;

A'm thrawn as a bull, tho sonsie an fain,

An auld as the braes, but green as a wean;

Ma sister is English, tho A'm no fae thare,

Wur baith o us different, but siccar tae share;

Unionists threap that A'm deid in a kist

An hiv tae hiv heard me tae ken A exist;

An gin a loon gies me a hantle o stick

A cry them a dobber insteid o a dick.


Whae am A, chiels? In case youse forgot:

A'm gallus, pawkie, gesserant SCOTS!

1 view0 comments

Recent Posts

See All

Albert Kirk Jr pishin doon, pishin doon, it's aye fuckin pishin doon; fae first Julie tae en o June, it's aye fuckin pishin doon; watter's swallin heich abune, it's aye fuckin pishin doon; an noo the

Albert Kirk Jr Gin Twitter's fou o heid-bangers hittin oot wi shite, threapin that this leid o oors isnae wirth a mite, dinnae get aw etterie, dinnae be a martyr: aw ye hiv tae dae is type RAM IT UP Y

Albert Kirk Jr Naething tae scrieve aboot, Naething at aw; A think A'll juist pit Ma pincil awa An tak a wee meenit Tae wait for a thocht An gin A get naething A'll scrieve aboot nocht.