Search
  • albertkirkjunior

Whit's For Ye'll No Gae By Ye

Albert Kirk Jr


pechin for a braith


wrangweys agin the croud ye gang,

keelie efter keelie thrangin

richt an caur tae heeze ye alang,

olite for champin ye, spangin

the gate an cryin ye daftie,

bootin yer shanks, duntin yer heid,

yokin yer shackles an cantie

lauchin they'll gar ye perfit deid,

willnae say hou but, keep ye feart,

cleukin clauchtin hanchin stappin

reddin oot aw the fell misleart,

yer ilk forby yersel drappin

intae yer kists, intae the cauld

grey grund, nae names on stanes abune,

forfochten an spulyit, an auld

sang whaur naeb'dy can mind the tune


cannae tak a braith


3 views0 comments

Recent Posts

See All

Albert Kirk Jr braw pow cramasie (darg o the deil's bird) snell shanks fankled birkie neb wheesht gleg een mawkit short syne a gorblin noo for aye wabbit: this Awmichtie ploy is the yin they'd gar ye

Albert Kirk Jr Laddies, thare isnae a wicht in the warld Cuid force ye tae poke a dirk in yer ee, Or thole wi nocht but a whisper a dirl That meant for ye no tae flyte whit ye dree; Thanks tae wur boa

Albert Kirk Jr A leader wi a japer's shtick, Electorates that vote for pricks Tae mak a pairt ye cannae stick: It's aw gangin tae shite. Thir fowk that hiv the owersicht O aw wur weirds but yaise thir