Search
  • albertkirkjunior

Whit Wid Tory Jesus Dae?

Albert Kirk Jr


Gin an ootrel willnae droon

An his orra hide is broon

Pack him aff tae Africa

Bi order o The Croon


Gin a mither hisnae meat

Tae gie her weans tae eat

Mak her roup her erse for brock

Tae let her ken she's beat


Gin yer grannie isnae weel

An is aiblins gonnae keel

Veesit her in hospital

Guisin as the De'il


Gin a mucker breks the law

An is gonnae tak a faw

Tell a fell ill-hertit fib

Tae wyte it on his maw


Gin yer siller in the bank

His seepit doon the stank

Dae a troke or twa wi thieves

Tae keep ye in yer rank


Gin yer kintra hisnae saucht

An is wantin chiefly thocht

Burn the grund ahint yer back

An lea' the gowks wi nocht


Let Masel bi thankit


Amen

1 view0 comments

Recent Posts

See All

Albert Kirk Jr braw pow cramasie (darg o the deil's bird) snell shanks fankled birkie neb wheesht gleg een mawkit short syne a gorblin noo for aye wabbit: this Awmichtie ploy is the yin they'd gar ye

Albert Kirk Jr Laddies, thare isnae a wicht in the warld Cuid force ye tae poke a dirk in yer ee, Or thole wi nocht but a whisper a dirl That meant for ye no tae flyte whit ye dree; Thanks tae wur boa

Albert Kirk Jr A leader wi a japer's shtick, Electorates that vote for pricks Tae mak a pairt ye cannae stick: It's aw gangin tae shite. Thir fowk that hiv the owersicht O aw wur weirds but yaise thir