Search
  • albertkirkjunior

Wur Empire's Guid

Albert Kirk Jr


Wur Empire's guid, A tell ye, son:

We gied ye tracks for trains tae run

Yer kintra's siller back tae oors

Tae cheer wur Queen for hawf an oor;

Ye ken the ferlie o a peel

Tae cuir ye whan ye urnae weel

Sin unco seeknesses we brocht

Tae roose ye intae speirin thocht;

We eat yer meat tae loass ye wecht

Sae noo ye've no the pith tae fecht

Agin wur sodgers gleg an fou

Whae'd ainlie fell ye onyhou;

A tell ye, son, wur Empire's guid!

Noo haud yer wheesht an gie's yer kids.

3 views0 comments

Recent Posts

See All

Albert Kirk Jr braw pow cramasie (darg o the deil's bird) snell shanks fankled birkie neb wheesht gleg een mawkit short syne a gorblin noo for aye wabbit: this Awmichtie ploy is the yin they'd gar ye

Albert Kirk Jr Laddies, thare isnae a wicht in the warld Cuid force ye tae poke a dirk in yer ee, Or thole wi nocht but a whisper a dirl That meant for ye no tae flyte whit ye dree; Thanks tae wur boa

Albert Kirk Jr A leader wi a japer's shtick, Electorates that vote for pricks Tae mak a pairt ye cannae stick: It's aw gangin tae shite. Thir fowk that hiv the owersicht O aw wur weirds but yaise thir